كنوز النت الإسلامية لنشر علوم الدنيا والدين
 
الرئيسيةبوابة كنوز النتمكتبة الصورس .و .جبحـثالتسجيلدخول

شاطر | 
 

 عشرون سبباً لفشل المؤتمر الإقتصادي لدعم الإنقلاب بشرم الشيخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عرباوي
المدير العام
المدير العام
avatar

ذكر عدد الرسائل : 21735
تاريخ الميلاد : 06/02/1980
العمر : 37
نقاط : 53378
تاريخ التسجيل : 21/09/2008

مُساهمةموضوع: عشرون سبباً لفشل المؤتمر الإقتصادي لدعم الإنقلاب بشرم الشيخ   الثلاثاء 10 مارس 2015, 10:40 pm



20 سبب؟!!!
أه والله عشرين سبب.... صحيح من غير حلفان
بالراحة كده ونتكلم بالعقل ... ونعرف أيه الأسباب ونشوفها واقعية وحقيقية ولا افتكاسات.. وفي الآخر نحكم إذا المؤتمر ده هينجح ولا هيفشل .. وأيه اللي يخلي دول العالم تيجي تستثمر في مصر الغرقانة في محاربة الإرهاب، وأيه اللي مخلي الحكومة والنظام المصري هيموتوا ويعملوا المؤتمر ده بالرغم من الظروف والأوضاع اللي متسرش عدو ولا حبيب..
طيب نيجي أولاً لأسباب الفشل وبعدين نتكلم عن ليه مصرين يعملوا المؤتمر الاقتصادي...
أسباب الفشل مقسومة نصين... أسباب داخلية وهي أكثر وأسباب خارجية
الأسباب الداخلية... واحدة واحدة من غير تعليقات وكل سبب مفسر نفسه:
1- مفيش استقرار سياسي والحراك الثوري مش بيهدا زي ما كانوا الانقلابيين بيراهنوا
2- مفيش برلمان منتخب يصدق على العقود.. ولحد دلوقتي ملامحه مش باينه بعد الطعن على الانتخابات بأنها غير دستورية
3- مفيش استقرار أمني... والتفجيرات مش بتبطل .. ومش عارفين مين وراها
4- التسريبات ...ودي مصيبة كبيرة... تخلي أي حد يفكر 100 ألف مرة قبل ما يجي يستثمر في مصر لحسن يقع في إيدن العصابة اللي بتحكم البلد وتضيع عليه فلوسه
5- منافسة العسكر للاستثمارات المحلية والأجنبية كمان... طبعا العسكر زي ما أنتو عارفين مش بيدفعوا ضرايب.. ومش بيدفعوا رسوم.. ومش بيدفعوا جمارك... ومش بيدفعوا أجور لأن أجور العساكر ومرتباتهم في ميزانية الجيش كده كده... وبياخدوا الأراضي ببلاش .. والمواد الخام بسعر التراب .. يبقى مين هيقدر ينافسهم.. وعلشان كده العسكر مستوليين على 60% من اقتصاد مصر ومحدش من الشعب في دولة مصر الشقيقة بيشوف منه حاجة
6- مفيش نزاهة ولا شفافية في الإجراءات الحكومية... ومصر ضاربه رقم قياس في معدلات الفساد ودا إنجاز كبير مستحق للحكومة المصرية
7- لحد دلوقتي محدش يعرف فلوس الخليج اللي في حدود 40 مليار دولار راحت فين ؟!! وكل التكهنات والتسريبات في الموضوع ده ومفيش حد من النظام الحالي طلع على الناس بكشف حساب عن الأموال دي .. والحكومة عملت نفسها من بنها كأن الشعب ده شعب بورندي الحبيب اللي مش من حقه يتدخل في شؤون مصر الداخلية
8- العقود اللي بتعملها الحكومة والنظام الحالي دول كتيرة بتعتقد إنها ليس لها أثر قانوني لأنها من سلطة مغتصبة
9- سعر الصرف غير واضح .. وطبعاً سعر الدولار دلوقتي مخلي كل حاجة غالية
10- التقدير الضريبي غير واضح... والمستثمر هيقعد يضرب أخماس في أسداس علشان يحل المشكلة دي وفي الآخر يشوف واحد واصل يخلصله موضوع الضرائب ده من تحت الطاولة وكده يضيع على خزينة الدولة فلوس متلتلة
11- أسعار الطاقة في مصر مش باينلها ملامح .. وكل شوية فيه أخبار إن أسعار الكهرباء هتغلى وأسعار البنزين هتغلى.. والغاز بقى مش مقضي وهنستورده من صديقتنا اسرائيل بعد ما حماس طلعت إرهابية
12- العمالة ... غير إنها معندهش أي مهارات بس كمان مبقتش رخيصة لأن الحياة نفسها بقت صعبة وغالية
13- مصر قصدي الحكومة المصرية قصدي نظام الانقلاب عمال يرسل رسال سلبية عن أوضاع البلد والأحوال الاقتصادية الصعبة وان كل واحد لازم يقسم الرغيف أربع تربع وإنه مفيش وحاجات كتير كده تخلي أي حد يطفش قبل ما يجي
14- الإعلام اللي هو أصلا مفروض يكون عنصر من عناصر التنمية نازل نفخ في دماغ الناس "مصر تحارب الإرهاب" "تنظيم الإخوان الإرهابي" لو لقيت أي إخواني اقتله" "عايز جثث" "عايز دم"... طيب بالله عليك مين بقى هيجي يستثمر في المشرحة دي.. الإعلام مخلي مصر كأنها مشرحة كبيرة .. دا غير لغة التخوين والعمالة لأي حد مخالف في الرأي أو الفكر
15- طبعاً كل ده جعل مصر "بيئة غير جاذبة للاستثمار"
16- وكمان مخلي معدلات التضخم والبطالة في مستويات غير مسبوقة وده كمان إنجاز مستحق للحكومة
نيجي بقى للأسباب الخارجية وهي مش كتير ودي هكتبها بالفصحى
1- التغيير الواضح في الأنظمة الخليجية .. وبالتالي تراجع معدلات الدعم الخليجي
2- تراجع أسعار النفط عالمياً
3- تراجع المشاريع الاستثمارية العالمية خارجياً
4- تراجع الدور الإقليمي والأهمية الاستراتيجية لمصر لصالح أطراف أخرى مع ازدياد حالة فقدان الاتزان السياسي والأمني في دول الربيع العربي
طيب أيه بقى اللي مخلي النظام الحالي مصمم على إقامة المؤتمر الاقتصادي بالرغم من كل الأسباب دي... بمنتهى البساطة لأنه نظام مازال يبحث عن مصداقة مفتقدة خصوصاً بعد التسريبات ... ويبحث عن شرعية منعدمة ومش عارف يرفع راسه بين الأمم.. وكمان بالتأكيد بيبحث عن فلوس علشان يسرق نصها ويحاول بالباقي يحل شوية من مشاكل البلد وطبعاً ميقدرش يطلع من خزائنه االمليانه .. وفيه تفسير تاني إنه ممكن يطلع الفلوس اللي نهبها من الخليج على اساس أنها استثمارات جديدة دخلت البلد يقوم الغلابه والجهلاء يفرحوا بالزعيم اللولبي اللي غرق البلد في خيره أكتر ما هي غرقانه....

_________________
كلمة "شكراً" لن تخسرك شيئاً ولكنها ستفيد موضوعي



الرجوع الى أعلى الصفحة اذهب الى الأسفل
http://4allarab.ahlamontada.com
 
عشرون سبباً لفشل المؤتمر الإقتصادي لدعم الإنقلاب بشرم الشيخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» *~®نقول أية؟!!.......الحظاظه بظاظة!!!!!!!®~*
» موقع يخمن صورة الشخصية المشهورة اللي ببالك
» الان حصريا كليب ترنيمة ابويا حبيبى الببا شنوده
» المواضيع المهمة عن الببغاءات
» كلما عانيت احببتك اكثر

صلاحيات هذا المنتدى:لاتستطيع الرد على المواضيع في هذا المنتدى
منتديات كنوز النت الإسلامية :: © الأقسام العامة © :: ©المنتدى العام©-
انتقل الى: